|
Cyfnod yr Hâf
Clwyd Theatr Cymru’n eich gwahodd i fod yn greadigol yr hâf hwn.
Rydym yn cynnig rhaglen ddeinamig a chyffrous o weithgareddau celfyddydau perfformio o dan arweiniad pobl broffesiynol i blant a phobl ieuainc 6 – 18 oed.
WYTHNOSAU HŶN
WYTHNOS 1: 25 - 29 Gorffennaf
Creu a Gwaith Byrfyfyr i ieuenctid 11 - 14 oed
Does dim ots beth yw eich gallu. Os ydych yn mwynhau perfformio a bod yn greadigol, ymunwch â ni. Y cyfan sydd raid i chi ei wneud yw dewis un o’r canlynol:
· Actio
· Dawns
Byddwch yn defnyddio’r sgiliau hyn i berfformio darn o theatr i’ch ffrindiau a’ch teulu ar y nos Wener.
WYTHNOS 2: 1 – 5 Awst
Geiriau ar Waith i ieuenctid 14 – 18 oed
Helpwch ni i gymryd darn o destun a’i droi’n fyw o flaen eich llygaid gan ddefnyddio’r holl elfennau a gynigir gan y theatr; actio cynllunio, goleuo a sain. Y cyfan sydd raid i chi ei wneud yw dewis un o’r canlynol:
· Actio,
· Cynllunio Gwisgoedd
· Cynhyrchu Technegol
Yna ymunwch â ni wrth i ni greu perfformiad theatrig cyffrous mewn dim ond un wythnos, i’w berfformio i’ch ffrindiau a’ch teulu ar y nos Wener.
WYTHNOSAU IAU
Helpwch eich plentyn i gael mwy o hyder, mwy o annibyniaeth, mwy o ffrindiau a mwy o hwyl. Archebwch le iddo yn naill ai wythnos 3 neu wythnos 4 (neu’r ddwy!) er mwyn datblygu ei sgiliau actio symud, cerddoriaeth, cynllunio a chreadigrwydd ond, yn fwy na dim, i gael hwyl!
WYTHNOS 3: 8 – 12 Awst
Grŵp Ieuenctid 1 i blant 6 – 11 oed
WYTHNOS 4: 15 – 19 Awst
Grŵp Ieuenctid 2 i blant 6 – 11 oed
Prisiau:
DIM OND £100.00 yw pob wythnos. Bydd gostyngiad o 25%* ar gael i:
· Teuluoedd ar fudd-daliadau (angen tystiolaeth o hyn).
· Dau neu fwy o frodyr a chwiorydd.
· Plant sy’n archebu pythefnos.
*Dim ond un gostyngiad a roddir i bob plentyn unigol.
Gellir ARCHEBU o ddydd Mercher 4ydd Mai ymlaen
Archebwch eich lle drwy’r Swyddfa Docynnau, yn bersonol neu drwy ffonio 0845 330 3565
Neu am ragor o wybodaeth, cysylltwch â Jane Meakin neu Nerys Edwards ar 01352 701575/6.
|
